Cater ５ 香港女儿

哥，点解你会知道嘅？乜你又有玩宠物小JiNg灵咩？」

    我颔首道：「有，之前pokemongo出嘅时候，我都玩得好颠，攞住部手提电话，cHa住尿袋，系条街四围捉，啲人见到有背背龙、卡b兽或者启暴龙，就会跑几条街去捉，我依家都捉到１４０只，只系差吉利蛋同怪力。有次我系尖沙咀缅甸台听到人话佐敦有卡b兽，即刻跟住人跑，无玩依只ＧＡＭＥ啲人仲话我地痴线。」

    阿兴一脸狐疑道：「阿哥，你又讲大话喇！手提电话点捉宠物小JiNg灵。」

    我闻言，才知道不妥，在一九九八年，手提电话最多只是有简陋的贪食蛇玩，而且画面还是黑白sE的。

    「我无讲大话，依家可能无，但系过多十年八载，我地可以用手提电话上网、打机、听歌睇片，做到好多野，个个攞住部手机系咁揿，过紧马路都唔理。」

    阿兴仍然是一脸不相信的样子，道：「阿哥，其实你系咪撞坏脑，已经痴咗线？」

    「唉！阿兴，点解你唔信阿哥，乜阿哥成日对你讲大话咩？」

    阿兴颔首，道：「系啊！」

    「几时有？」

    「我小二嗰阵，你话凌晨四点落去球场练猛虎S球，跟住遇到只马骝，只马骝守龙同你练习，你有无讲过？」

    我哑然失笑，道：「哈，我好似有讲过。」

    「咁你系咪吹水？」

    「咁，又唔系完全失实，不过有啲地方夸张咗咁解。」

    「边会有马骝识守龙？仲